Bugun O‘zbekiston Milliy olimpiya qo‘mitasi raisi o‘rinbosari, mamlakat dzyudo federasiyasi raisi Azizjon Kamilov bir guruh rasmiylar bilan Olimpiya shaharchasiga tashrif buyurdi.
Kamilov Osiyo dzyudo federasiyasi prezidenti janob Obaid Al Anzi hamda Osiyo dzyudo federasiyasi ijroiya qo‘mitasi a’zolariga 2025 yilda Toshkentda bo‘lib o‘tadigan Yoshlar o‘rtasidagi Osiyo o‘yinlari uchun qurilayotgan maxsus shaharcha haqida tushuncha berib o‘tdi.
Ular shuningdek, qurilish jarayonlari bilan yaqindan tanishishdi.