Dam olish kunlari muntazam tanqid qilingan Erik ten Xag ligadagi dastlabki 50 o‘yinining 30 tasida g‘alaba qozongan «Manchester Yunayted»ning birinchi murabbiyiga aylandi.
Jamoalarning Premyer-liganing so‘nggi beshta o‘yinidagi natijalariga e’tibor qaratadigan bo‘lsangiz, bu davrda «qizil iblislar» eng yaxshi jamoa – 15 ochkodan 12 ochko jamg‘argan.
Ushbu mini-reytingda keyingi o‘rinda 11 ochko bilan «Liverpul» bormoqda. Ulardan keyin 10 ochkodan to‘plagan «Manchester Siti», «Arsenal», «Aston Villa» va «Everton» joylashgan.
