11 noyabr kuni Toshkent shahridagi «Chig‘atoy» sport bazasida o‘quv-mashg‘ulot yig‘iniga kirishgan O‘zbekiston U-15 terma jamoasi bugun Marokash o‘smirlar terma jamoasiga qarshi o‘rtoqlik uchrashuvini o‘tkazdi. Bahs «Do‘stlik» terma jamoalar markazi stadionida bo‘lib o‘tdi.

Askar Xolmuratov boshqaruvidagi jamoamiz bugungi uchrashuvda minimal hisobda g‘alaba qozondi. Yagona golga Muhammadyusuf Fayzullayev mualliflik qildi.

O‘zbekiston U-15 terma jamoasi 3 kundan keyin mazkur raqibga qarshi yana bir marta o‘rtoqlik o‘yinini o‘tkazadi.

Har ikki bahs «Do‘stlik» terma jamoalar markazi stadionida o‘tkaziladi.

Xalqaro o‘rtoqlik uchrashuvi
O‘zbekiston U-15 - Marokash - U-15 - 1:0
Gol: Muhammadyusuf Fayzullayev (70ʼ)