"Real" yarim himoyachisi Luka Modrichning agentlaridan biri Borxa Kouche xorvatiyalik futbolchi faoliyatini qayerda davom ettirishi mumkinligini aytdi.
"Bu yil yozda Modrichga Saudiya Arabistoni jamoalari qiziqish bildirishdi. Unga poytaxtning bir klubidan ham, boshqa klubdan ham taklif bor. Hozir Modrich "Real Madrid" haqida o‘ylayapti, ammo agar taklif ma’qul bo‘lsa, uning Saudiya chempionatiga o‘tishi haqidagi g‘oya haqiqatdir", - dedi agent.
Luka Modrich 2012 yildan beri "Real"da o‘ynab kelmoqda. O‘tgan mavsumda xorvatiyalik yarim himoyachi "Real" safida barcha turnirlar doirasida 51 ta o‘yin o‘tkazib, 6 ta gol urdi va 6 ta golli uzatmani amalga oshirdi. Xorvatiyalik futbolchining "Real" bilan shartnomasi joriy mavsum oxirigacha amal qiladi. Transfermarkt internet portaliga ko‘ra futbolchining taxminiy narxi 10 million yevroni tashkil qiladi.
