Ikki yil oldin futbolchilik faoliyatini yakunlagan marokashlik himoyachi Mehdi Benatia yana futbolga qaytadi - ammo boshqa maqomda. Benatia katta o‘zgarishlarni boshdan kechirayotgan "Marsel" klubi sport direktoriga aylanadi.

Fransiyaning La Provence nashri aniqlik kiritishicha, shartnoma kelasi hafta boshida imzolanadi. Benatia uchun bu o‘zi tarbiya topgan klubga qaytish bo‘ladi - Turinning "Yuventus" sobiq himoyachisi faoliyatini aynan shu klubda boshlagan.

Navbatdagi o‘yinda “Marsel” Fransiya chempionatining o‘n uchinchi turida “Strasburg” bilan mehmonda bahs olib boradi.