Italiya chempionatining o‘tgan mavsumdagi eng yaxshi to‘purari Viktor Osimxen Angliya Premyer-ligasida ishtirok etishi mumkin. Todofichajes xabariga ko‘ra, "Liverpul" nigeriyalik hujumchini o‘z safiga qo‘shib olmoqchi. Mersisaydliklar afrikalik uchun Londonning “Chelsi” jamoasi bilan raqobatlashish niyatida.
Osimxenning "Napoli" bilan 2025 yilning yoziga qadar shartnoma majburiyatlari bor. Transfermarkt portali ekspertlari forvardning narxini 120 million yevroga baholamoqda.
A Seriyaning joriy mavsumida 24 yoshli nigeriyalik Neapol jamoasi tarkibida sakkizta o‘yin o‘tkazdi va oltita gol urdi.