"Yuventus" hujumchisi Kenan Yildizni mavsumning ikkinchi yarmi uchun ijaraga olishni so‘ragan bir qancha klublar paydo bo‘ldi, deya xabar beradi insayder Nikolo Skira.
Manbaga ko‘ra, turinliklar 18 yoshli turkiyalikni ijaraga berishdan manfaatdor emas. "Yuventus" ham shu yozda Yildizni sotish bo‘yicha ikkita taklifni rad etdi.
Turinda ular hujumchini bo‘lajak top saviyali futbolchi sifatida ko‘rishadi. Transfermarkt futbolchini 1 million yevroga baholamoqda.
Joriy mavsumda Yildiz 5 ta o‘yinda gol ura olmagan bo‘lsa-da, Turkiya terma jamoasidagi ikkinchi o‘yinida gol urdi.
