Misr terma jamoasi yetakchisi Muhammad Saloh Liberiyada bo‘lib o‘tgan JCH-2026 saralash bosqichi doirasida Syerra-Leonega qarshi safar o‘yinida muxlislar tomonidan hujumga uchradi, deb xabar beradi Goal.com.
Asosiy vaqt tugashiga bir daqiqa qolganida misrliklar hisobni 2:0 ko‘rinishiga keltirishdi. Bu esa tribunadagi muxlislarga yoqmadi. Ular maydonga bostirib kirishga muvaffaq bo‘lishdi va Saloh tomon yugurishdi. Biroq, xavfsizlik xodimlari tezda vaziyatni qo‘lga olishdi. Saloh bu vaziyatda o‘zini xotirjam tutdi, ammo o‘yindan so‘ng u xavfsizlik xodimlari hamrohligida maydonni tark etdi.
Eslatib o‘tamiz, o‘yin Misr terma jamoasining 2:0 hisobidagi g‘alabasi bilan yakunlangan. Syerra-Leone terma jamoasi 39-daqiqadan boshlab kamchilikda o‘ynadi.
