Миср терма жамоаси етакчиси Муҳаммад Салоҳ Либерияда бўлиб ўтган ЖЧ-2026 саралаш босқичи доирасида Сьерра-Леонега қарши сафар ўйинида мухлислар томонидан ҳужумга учради, деб хабар беради Goal.com.
Асосий вақт тугашига бир дақиқа қолганида мисрликлар ҳисобни 2:0 кўринишига келтиришди. Бу эса трибунадаги мухлисларга ёқмади. Улар майдонга бостириб киришга муваффақ бўлишди ва Салоҳ томон югуришди. Бироқ, хавфсизлик ходимлари тезда вазиятни қўлга олишди. Салоҳ бу вазиятда ўзини хотиржам тутди, аммо ўйиндан сўнг у хавфсизлик ходимлари ҳамроҳлигида майдонни тарк этди.
Эслатиб ўтамиз, ўйин Миср терма жамоасининг 2:0 ҳисобидаги ғалабаси билан якунланган. Сьерра-Леоне терма жамоаси 39-дақиқадан бошлаб камчиликда ўйнади.
