"Arsenal" muxlislari uchun xushxabar. Jamoa sardori Martin Edegor mashg‘ulotlarga qaytdi. Norvegiyalik futbolchi sog‘lig‘idagi muammolar tufayli "kanonirlar"ning so‘nggi bir necha o‘yinini va Norvegiya terma jamoasining noyabrdagi yig‘inini o‘tkazib yuborgandi.
Shunday qilib, Edegor shanba kuni bo‘lib o‘tadigan APL doirasida "Brentford"ga qarshi o‘yinda "Arsenal" safida o‘ynash imkoniyatiga ega bo‘ldi.
2023/2024 yilgi mavsumda Martin "Arsenal" tarkibida 15 ta o‘yin o‘tkazgan. Ularda yarim himoyachi beshta gol urdi va sherigiga bitta golli uzatmani amalga oshirdi.
"Arsenal" hozirda APL turnir jadvalida uchinchi o‘rinni egallab turibdi.
