"Арсенал" мухлислари учун хушхабар. Жамоа сардори Мартин Эдегор машғулотларга қайтди. Норвегиялик футболчи соғлиғидаги муаммолар туфайли "канонирлар"нинг сўнгги бир неча ўйинини ва Норвегия терма жамоасининг ноябрдаги йиғинини ўтказиб юборганди.
Шундай қилиб, Эдегор шанба куни бўлиб ўтадиган АПЛ доирасида "Брентфорд"га қарши ўйинда "Арсенал" сафида ўйнаш имкониятига эга бўлди.
2023/2024 йилги мавсумда Мартин "Арсенал" таркибида 15 та ўйин ўтказган. Уларда ярим ҳимоячи бешта гол урди ва шеригига битта голли узатмани амалга оширди.
"Арсенал" ҳозирда АПЛ турнир жадвалида учинчи ўринни эгаллаб турибди.
