Superliga 25-turida "Paxtakor" Toshkentda "Surxon" bilan kuch sinashadi.

Mazkur o‘yinda g‘alaba qozongan taqdirda "Paxtakor" 16-bor O‘zbekiston chempioniga aylanadi. Chempionlik uchun navbatdagi ikki bellashuvning birida yutish yetarli bo‘ladi.

Hozirga qadar jamoalar chempionatlar doirasida 33 bahsda to‘qnash kelishgan. Ularning 25tasida "Paxtakor", 5tasida "Surxon" zafar quchgan. Uch marta durang natija qayd etilgan. Raqib darvozasini 105 marta ishg‘ol qilgan "Sherlar" 29 to‘p o‘tkazib yuborishgan. Mehmondagi o‘yinlarda 10 g‘alaba, 5 mag‘lubiyat va bir durangga egamiz. Gollar nisbati 36ga 18ni tashkil qiladi. Jami 15 g‘alaba yirik hisoblarda qo‘lga kiritilgan. Eng yirik natija - 8:0 bo‘lib, 2004 yilgi mavsumda kuzatilgan.

Jamoalar safida kartochkalar bilan bog‘liq diskvalifikasiya sababli o‘yinni o‘tkazib yuboradigan futbolchilar yo‘q.

"Surxon" va "Paxtakor" jamoalari o‘rtasidagi uchrashuv 24 noyabr, juma kuni "Paxtakor" stadionida soat 18:15da start oladi.