"Manchester Yunayted" yarim himoyachisi Kazemiro yanvar oyidayoq klubni tark etishi mumkin.
"Qizil iblislar" braziliyalik bilan xayrlashishi mumkinligi haqidagi mish-mishlar oktyabr oyida paydo bo‘lgandi. Ba’zi ma’lumotlarga ko‘ra, futbolchi yaqinda ketish haqida jiddiy o‘ylay boshlagan - u Saudiya Arabistoni takliflarini ko‘rib chiqishga tayyor.
TeamTalk xabariga ko‘ra, "Manchester Yunayted" 31 yoshli yarim himoyachi uchun 50 million funt sterling (taxminan 57,5 million yevro) so‘raydi. Agar taklif tushsa, klub uni yanvar oyida qo‘yib yuboradi. Futbolchining o‘zi ham 2024 yilda jamoani tark etishga qaror qilgan.
Kazemiro “Manchester Yunayted”da 2022 yilning yozidan buyon o‘ynamoqda. U inglizlar safida 63 ta o‘yin o‘tkazib, 11 ta gol va 7 ta golli uzatmani amalga oshirgan.













