"Манчестер Юнайтед" ярим ҳимоячиси Каземиро январь ойидаёқ клубни тарк этиши мумкин.
"Қизил иблислар" бразилиялик билан хайрлашиши мумкинлиги ҳақидаги миш-мишлар октябрь ойида пайдо бўлганди. Баъзи маълумотларга кўра, футболчи яқинда кетиш ҳақида жиддий ўйлай бошлаган - у Саудия Арабистони таклифларини кўриб чиқишга тайёр.
TeamTalk хабарига кўра, "Манчестер Юнайтед" 31 ёшли ярим ҳимоячи учун 50 миллион фунт стерлинг (тахминан 57,5 миллион евро) сўрайди. Агар таклиф тушса, клуб уни январь ойида қўйиб юборади. Футболчининг ўзи ҳам 2024 йилда жамоани тарк этишга қарор қилган.
Каземиро “Манчестер Юнайтед”да 2022 йилнинг ёзидан буён ўйнамоқда. У инглизлар сафида 63 та ўйин ўтказиб, 11 та гол ва 7 та голли узатмани амалга оширган.
