Milanning “Inter” klubi chap qanot himoyachisi Federiko Dimarko klubi bilan shartnomasini uzaytirishga yaqin turibdi.
26 yoshli futbolchining amaldagi shartnomasi 2026 yilda yakuniga etadi. La Gazette Dello Sport xabariga ko‘ra, tomonlar yangi shartnoma tuzishga bir qadam qolgan. Dimarkoning shartnomasi 2028 yilga qadar uzaytiriladi, italiyalikning maoshi esa deyarli ikki baravarga oshadi - bonuslarni hisobga olmaganda yiliga 2,2 dan 4 million yevrogacha. Klub va futbolchi faqat yakuniy nyuanslarni hal qilishlari kerak.
Federiko Dimarko joriy mavsumda “Inter” safida 14 ta o‘yinda maydonga tushib, 2 ta gol urgan va 4 marta jamoadoshlariga assistentlik qilgan. Umuman olganda, lateral "neradzurrilar" safida 112 uchrashuvda 10 ta gol va 19 golga assistentlik qilgan.
