Миланнинг “Интер” клуби чап қанот ҳимоячиси Федерико Димарко клуби билан шартномасини узайтиришга яқин турибди.

26 ёшли футболчининг амалдаги шартномаси 2026 йилда якунига этади. La Gazette Dello Sport хабарига кўра, томонлар янги шартнома тузишга бир қадам қолган. Димарконинг шартномаси 2028 йилга қадар узайтирилади, италияликнинг маоши эса деярли икки бараварга ошади - бонусларни ҳисобга олмаганда йилига 2,2 дан 4 миллион еврогача. Клуб ва футболчи фақат якуний ньюансларни ҳал қилишлари керак.

Федерико Димарко жорий мавсумда “Интер” сафида 14 та ўйинда майдонга тушиб, 2 та гол урган ва 4 марта жамоадошларига ассистентлик қилган. Умуман олганда, латерал "нерадзуррилар" сафида 112 учрашувда 10 та гол ва 19 голга ассистентлик қилган.