Londonning "Brentford" klubi o‘z hujumchisi Ayvan Tonini sotishni istamayapti, u hozirda sportga noqonuniy pul tikishlari sababli yanvargacha diskvalifikasiya qilingan.
Daily Mirror nashri xabariga ko‘ra, "Chelsi" va "Arsenal" klublarining qiziqishiga qaramay, "Brentford" bir necha yillardan beri jamoaning eng yaxshi to‘purari bo‘lib kelayotgan Ayvonni o‘zida saqlab qolmoqchi.
Eslatib o‘tamiz, Toni "Arsenal" va “Chelsi”ning hujum markazini kuchaytirish uchun ustuvor nomzodlardan biri sanaladi. Avvalroq "Tottenxem" ham angliyalik futbolchiga ko‘z tikkan edi.
Toni o‘tgan mavsumda Angliya Premyer-ligasida 20 ta gol urdi.
