"RB Leypsig" hujumchisi Timo Verner qishda Angliyaga qaytishi mumkin.
27 yoshli futbolchi “Leypsig”ning asosiy tarkibidagi o‘rnini yo‘qotdi va 2024 yilda jamoani tark etish haqida jiddiy o‘ylamoqda. Jurnalist Florian Plettenberg xabariga ko‘ra, "Manchester Yunayted" allaqachon Vernerni yanvar oyidagi transferlar ro‘yxatiga kiritgan. Biroq, manbaga ko‘ra, hozircha muzokaralar olib borilmayapti.
Timo Vernerga shuningdek "Real Madrid" tomonidan qiziqish bildirilgan, ammo bu mish-mishlar hali tasdiqlanmagan.
"Chelsi"ning sobiq hujumchisi joriy mavsumda "RB Leypsig"da 13 ta o‘yinda maydonga tushib, 2 ta gol urdi va bitta golli uzatmani amalga oshirdi. Transfermarkt nemis futbolchisining narxini 20 million yevroga baholamoqda.