"РБ Лейпциг" ҳужумчиси Тимо Вернер қишда Англияга қайтиши мумкин.
27 ёшли футболчи “Лейпциг”нинг асосий таркибидаги ўрнини йўқотди ва 2024 йилда жамоани тарк этиш ҳақида жиддий ўйламоқда. Журналист Флориан Плеттенберг хабарига кўра, "Манчестер Юнайтед" аллақачон Вернерни январь ойидаги трансферлар рўйхатига киритган. Бироқ, манбага кўра, ҳозирча музокаралар олиб борилмаяпти.
Тимо Вернерга шунингдек "Реал Мадрид" томонидан қизиқиш билдирилган, аммо бу миш-мишлар ҳали тасдиқланмаган.
"Челси"нинг собиқ ҳужумчиси жорий мавсумда "РБ Лейпциг"да 13 та ўйинда майдонга тушиб, 2 та гол урди ва битта голли узатмани амалга оширди. Transfermarkt немис футболчисининг нархини 20 миллион еврога баҳоламоқда.