"Atletiko Madrid" o‘ng qanot himoyachisi Nauel Molina klub bilan yangi shartnoma imzolashga yaqin turibdi.

Tomonlar 2028 yilgacha amal qiladigan yangi mehnat shartnomasi shartlari bo‘yicha deyarli kelishuvga erishdi, deya xabar beradi insayder Fabrisio Romano eksklyuziv hisobotida. Shuningdek, argentinalik futbolchining shartnomasida tovon puli 70 million yevroni o‘z ichiga olishi ma’lum bo‘ldi – bu avvalroq kutilganidan ancha kam. "Matraschilar" rahbariyati 25 yoshli jahon chempionini loyihaning asosiy figuralaridan biri deb biladi.

Molina 2022 yilning iyulidan buyon "Atletiko Madrid"da o‘ynamoqda. U Diyego Simeone jamoasi safida 57 ta o‘yinda maydonga tushib, 6 ta gol va 7 ta golli uzatmaga mualliflik qilgan.