"Атлетико Мадрид" ўнг қанот ҳимоячиси Науэль Молина клуб билан янги шартнома имзолашга яқин турибди.
Томонлар 2028 йилгача амал қиладиган янги меҳнат шартномаси шартлари бўйича деярли келишувга эришди, дея хабар беради инсайдер Фабрицио Романо эксклюзив ҳисоботида. Шунингдек, аргентиналик футболчининг шартномасида товон пули 70 миллион еврони ўз ичига олиши маълум бўлди – бу аввалроқ кутилганидан анча кам. "Матрасчилар" раҳбарияти 25 ёшли жаҳон чемпионини лойиҳанинг асосий фигураларидан бири деб билади.
Молина 2022 йилнинг июлидан буён "Атлетико Мадрид"да ўйнамоқда. У Диего Симеоне жамоаси сафида 57 та ўйинда майдонга тушиб, 6 та гол ва 7 та голли узатмага муаллифлик қилган.
