Инсайдер Фабрицио Романо «Наполи»ни тарк этган Антонио Контенинг Италия терма жамоасига тайинланиш эҳтимоли ҳақида фикр билдирди, шунингдек, мутахассис нима учун Массимилиано Аллегри истеъфога чиқарилган «Милан»га келмаслигига тўхталди.
«Конте қаерга ўтади? Бугунги кунга келиб «Милан» билан ҳеч қандай алоқа бўлмаган. Италия терма жамоаси ҳақидаги турли миш-мишлар ва сценарийларга келсак, бу федерация президентининг қароридан кейин маълум бўлади.
Роберто Манчини қайтишга тайёрлигини билдирди; Конте ҳам «Адзурри»га қайтишни истарди, аммо ҳозир бунинг вақти эмас. «Милан» ҳақида гапирадиган бўлсак, Контега рад жавобини бериш қарори раҳбариятдан чиққан: улар бошқача ўйин услубига эга бўлган мураббийга эътибор қаратишни хоҳламоқдалар», — деди Романо Time2play учун берган маълумотида.
