"Manchester Yunayted" bosh murabbiyi Erik ten Xag Chempionlar ligasi guruh bosqichi 5-turida "Galatasaroy"ga qarshi o‘yindan oldin fikrlari bilan o‘rtoqlashdi. Eslatib o‘tamiz, Turkiya jamoasi o‘z maydonida mankunianliklarni mag‘lub etsa, Erik ten Xag shogirdlari pley-offga chiqish imkoniyatini yo‘qotadi.

“Galatasaroy" bilan birinchi o‘yindan beri biz barqarorlashdik, o‘yinlarda g‘alaba qozonayapmiz. Bu birinchi o‘yin bilan solishtirganda katta farq”, dedi ten Xag matbuot anjumanida.

Birinchi davradagi o‘yinda “Manchester Yunayted” o‘z maydonida “Galatasaroy”ga 2:3 hisobida imkoniyatni boy bergandi. Ayni damda inglizlar o‘z guruhida oxirgi o‘rinni egallab turishibdi.