"Манчестер Юнайтед" бош мураббийи Эрик тен Хаг Чемпионлар лигаси гуруҳ босқичи 5-турида "Галатасарой"га қарши ўйиндан олдин фикрлари билан ўртоқлашди. Эслатиб ўтамиз, Туркия жамоаси ўз майдонида манкунианликларни мағлуб этса, Эрик тен Хаг шогирдлари плей-оффга чиқиш имкониятини йўқотади.
“Галатасарой" билан биринчи ўйиндан бери биз барқарорлашдик, ўйинларда ғалаба қозонаяпмиз. Бу биринчи ўйин билан солиштирганда катта фарқ”, деди тен Хаг матбуот анжуманида.
Биринчи даврадаги ўйинда “Манчестер Юнайтед” ўз майдонида “Галатасарой”га 2:3 ҳисобида имкониятни бой берганди. Айни дамда инглизлар ўз гуруҳида охирги ўринни эгаллаб туришибди.
