25 noyabr, shanba kuni bo‘lib o‘tgan Bundesliga doirasidagi “Ayntraxt” – “Shtutgart” (1:2) o‘yinini bosh hakam Feliks Brix boshqarayotganda tizzasining xoch bog‘lamini yirtib oldi.
Epizod 32-daqiqada sodir bo‘ldi. Brix birinchi bo‘limni oxirigacha yakunlab qo‘ydi, shundan so‘ng tanaffus vaqtida uning o‘rnini to‘rtinchi hakam Patrik Shvengers egalladi.
Bu Brixning Germaniya chempionatidagi 344-uchrashuvi bo‘ldi. U ilgari o‘tkazilgan o‘yinlar soni bo‘yicha Bundesliga rekordini qo‘lga kiritgan Volfgang Starkning yutug‘ini takrorladi.
