25 ноябрь, шанба куни бўлиб ўтган Бундеслига доирасидаги “Айнтрахт” – “Штутгарт” (1:2) ўйинини бош ҳакам Феликс Брих бошқараётганда тиззасининг хоч боғламини йиртиб олди.
Эпизод 32-дақиқада содир бўлди. Брих биринчи бўлимни охиригача якунлаб қўйди, шундан сўнг танаффус вақтида унинг ўрнини тўртинчи ҳакам Патрик Швенгерс эгаллади.
Бу Брихнинг Германия чемпионатидаги 344-учрашуви бўлди. У илгари ўтказилган ўйинлар сони бўйича Бундеслига рекордини қўлга киритган Вольфганг Старкнинг ютуғини такрорлади.