SSKA yarim himoyachisi Abbosbek Fayzullayev Rossiya kubogining chorak final bosqichi doirasida bo‘lib o‘tgan «Rostov»ga qarshi o‘yin (1:1) borasida o‘z fikrlari bilan o‘rtoqlashdi.

«Biz o‘yinga darhol kirishib ketmadik, ammo keyinchalik uzatmalar orqali o‘ynay boshladik. Ikkinchi taymda har ikki jamoa faol harakat qildi, ammo bir kishi kam bo‘lib qoldik. Bu esa o‘yinimizga ta’sir ko‘rsatdi. Biz g‘alaba qozonishni istgandik. Ammo yakunda o‘n kishi bo‘lib qoldik. Durang har ikki jamoani qanoatlantirdi», - dedi o‘zbekistonlik futbolchi.

Eslatib o‘tamiz, Abbos Fayzullayev bugungi bahsning eng yaxshi futbolchisi deb topildi.