Turinning "Yuventus" klubining sobiq futbolchisi Mexdi Benatiya "Marsel"da ishlamoqchiligi haqida avval xabar bergan edik. Chorshanba kuni u jamoaning mashg‘ulotlarida hozir bo‘lgan, hozircha jimgina jarayonni kuzatayotgan edi. Uni bosh murabbiy Jennaro Gattuzo kutib oldi.
"Benatiya rasman tayinlanganmi yoki yo‘qmi, hozircha bilmayman, lekin u shu yerda. Biz qilayotgan hamma narsani kuzatadi va tahlil qiladi. Lekin men u bilan hali alohida gaplashganim yo‘q", - dedi italiyalik mutaxassisning RMC Sport bilan suhbatda.
Fransiya chempionatining navbatdagi, o‘n to‘rtinchi turida "Marsel" o‘z maydonida "Renn"ni qabul qiladi.
