"Manchester Yunayted" sardori Brunu Fernandesh Chempionlar ligasi guruh bosqichi 5-turi doirasidagi "Galatasaroy"ga qarshi o‘yinda darvozabon Andre Onananing yomon o‘yini haqida fikr bildirdi. Uchrashuv Turkiyada bo‘lib o‘tdi va 3:3 hisobida durang bilan yakunlandi.

“Andre bunday daqiqalarni qanday yengishni biladi. U boshqa futbolchilar kabi o‘z o‘yinini yaxshilashi kerak. Yaxshi natijaga erishish uchun yanada ko‘proq ishlashimiz kerak. Bu natijada yolg‘iz Onana aybdor emas. Butun jamoa javob berishi kerak", - deya portugaliyalikning so‘zlarini keltiradi ESPN.

So‘nggi tur oldidan “qizil iblislar” to‘rt ochko jamg‘arib, guruhda oxirgi o‘rinni egallab turishibdi.