"Andijon” – “Buxoro” (1:0) o‘rtasidagi o‘yindan keyingi matbuot anjumanining ikkinchi qismida andijonliklar bosh murabbiyi Aleksandr Xomyakov o‘z fikrlari bilan o‘rtoqlashdi.
- O‘ta hissiyotlarga boy o‘yin bo‘lmadi. Doimgidek yaxshi natija ko‘rsatishga harakat qildik. Yigitlar kurashishdi va g‘alaba qozonishdi. Mavsumni g‘alaba bilan yakunlashni niyat qilgandik va bunga erishdik. Chempionat ham tugadi. Biz bilan birga bo‘lgan barchani tabriklab qolaman. Eng asosiysi, muxlislar mehrini qozona oldik, deb o‘ylayman. Imkon qadar yaxshi harakat qildik va mavsumni yomon tugatmadik, deb hisoblayman. Keyingi mavsumda yanada yaxshi natijalarga erishamiz, deb umid qilaman.
- Jamoamingiz chempionatni 7-o‘rin va turnir jadvalini o‘rtasida yakunladi. Bu natijadan qoniqdingizmi?
- Nima deyishim mumkin? Natijalar va boshqalarni hisobga olib, umumiy xulosani rahbariyat beradi. Men esa murabbiy sifatida albatta doim eng yaxshisini xohlayman. To‘g‘risi, qayerdadir yanada yaxshiroq harakat qilishimiz mumkin edi. Bizga bahoni rahbariyat beradi. Kuchli to‘rttalikka kirganimizda yanada maqsadga muvofiq bo‘lardi. Shu o‘rinda rahbariyatga ham alohida rahmat aytishim kerak. Menga ishonch bildirgan viloyat rahbariyatiga tashakkur. O‘rni kelganida Ulug‘bek Abdusattorovichni ham unutmaslik kerak. Bularning barchasiga menga ishonch bildirishganligi uchun minnatdorchilik izhor qilaman. O‘ylaymanki, ular kutgan natijani bera olganimizdan mamnunmiz.
