Kecha o‘smirlar o‘rtasidagi boks bo‘yicha Jahon chempionatining yarim final bahslari o‘tkazildi. Vakillarimizdan esa 11 nafari final yo‘lida ringa ko‘tarilishdi.
Natijalarga ko‘ra, finalchilarimiz 7 nafarni tashkil etdi, qolgan bokschilarimiz esa musobaqani bronza medallari bilan yakunladilar.
3-4 dekabr kunlari esa musobaqaning final bahslari o‘tkaziladi. Oltin medal uchun ringa ko‘tariladigan bokschilarimiz va ularning raqiblari bilan tanishing:
3 dekabr:
-48 kg. Maftuna Musurmonova - Anastasiya Tiunina (Rossiya)
-75 kg. Maftuna Yangiyeva - Yekaterina Frolova (Rossiya)
+80 kg. Sobiraxon Shahobiddinova - Prachi Tokas (Hindiston)
-63 kg. Hikmatillo O‘lmasov - John Maher (Irlandiya)
4 dekabr:
-57 kg. Sevara Mamatova - Vini (Hindiston)
-60 kg. Firuzjon Sadullayev - Andranik Martirosyan (Armaniston)
+80 kg. Islom Salihov - Hemant Sangvan (Hindiston)
Abdurahmon Mahmudjonov, Akbar Ahmadov, Husan Qahhorov va Norbek Abdullayev Jahon chempionatini bronza medali bilan tugatishdi.
