Markaziy hujumchi Luis Suares faoliyatini MLSda davom ettiradi. Insayder Nikolo Skiraning ijtimoiy tarmoqlar orqali xabar berishicha, "Inter Mayami" tajribali urugvaylikning yangi klubi bo‘ladi.
Tomonlar 2024 yilning yanvarida mehnat shartnomasini imzolashadi. Mayamida Suares Kataloniyaning "Barselona" jamoasida birga o‘ynagan hujumchi Lionel Messi bilan qaytadan uchrashadi. Floridaliklar safida Jordi Alba va Serxio Buskets ham to‘p tepadi.
Joriy mavsumda 36 yoshli urugvaylik futbolchi Braziliyaning “Gremio” jamoasida o‘ynadi. Suares Braziliya chempionatining 31 ta uchrashuvida qatnashib, 14 ta gol urdi va 10 ta golli uzatmani amalga oshirdi.
