Kataloniyaning "Barselona" klubi himoyachisi Joau Kanselu La Liga doirasidagi "Atletiko Madrid"ga qarshi o‘yinda himoyaning chap qanotida o‘ynaydi.

Mundo Deportivo nashri xabariga ko‘ra, bosh murabbiy Xavi Ernandes allaqachon bu qarorni qabul qilgan.

Eslatib o‘tamiz, Kanselu joriy mavsumda chap qanot himoyachisi sifatida faqat ikki marta maydonga tushdi. Asosan, portugaliyalik futbolchi o‘zining asl rolida o‘ng qanot himoyachisi sifatida harakat qildi. Ammo, taktik sabablarga ko‘ra, Xavi "Atletiko"ga qarshi o‘yinda Kanseluni chap qanotga joylashtirishga qaror qildi.

Shu tariqa, Alexandro Balde o‘yinni zaxira o‘rindig‘ida boshlaydi. Jyul Kunde katta ehtimol bilan himoyaning o‘ng qanotida o‘ynaydi.