Каталониянинг "Барселона" клуби ҳимоячиси Жоау Канселу Ла Лига доирасидаги "Атлетико Мадрид"га қарши ўйинда ҳимоянинг чап қанотида ўйнайди.

Mundo Deportivo нашри хабарига кўра, бош мураббий Хави Эрнандес аллақачон бу қарорни қабул қилган.

Эслатиб ўтамиз, Канселу жорий мавсумда чап қанот ҳимоячиси сифатида фақат икки марта майдонга тушди. Асосан, португалиялик футболчи ўзининг асл ролида ўнг қанот ҳимоячиси сифатида ҳаракат қилди. Аммо, тактик сабабларга кўра, Хави "Атлетико"га қарши ўйинда Канселуни чап қанотга жойлаштиришга қарор қилди.

Шу тариқа, Алехандро Бальде ўйинни захира ўриндиғида бошлайди. Жюль Кунде катта эҳтимол билан ҳимоянинг ўнг қанотида ўйнайди.