Hujumchi Ayvan Toni yanvar oyi o‘rtalarida yana maydonga tushishi mumkin bo‘ladi. Chunki "Brentford" hujumchisiga pul tikish qoidalarini buzgani uchun sakkiz oylik diskvalifikasiya muddati tugaydi.
O‘tgan mavsumda Toni Angliya Premyer-ligasining eng yaxshi to‘purarlari qatorida edi va u hali ham ko‘plab gigantlarning nishonida qolmoqda.
Jurnalist Ekrem Konurning ijtimoiy tarmoqlarda xabar berishicha, "Brentford" yanvar oyida 27 yoshli Tonini sotishni rejalashtirmayapti. Shu bilan birga, agar 70 million yevrodan oshsa, klub taklifni ko‘rib chiqishga tayyor.
Aytish joizki, Transfermarkt portali Ayvan Tonining narxini 35 million yevroga baholamoqda.
