Rodrigo ketma-ket beshinchi o‘yinda "Real Madrid" safida raqib darvozasini ishg‘ol qildi.
Qanot hujumchisi La Liganing 15-turi doirasidagi o‘yinning 57-daqiqasida “Granada” darvozasini ishg‘ol qildi (2:0, ikkinchi bo‘lim). Jud Bellingemning zarbasini darvozabon Andre Ferreyra qaytarganidan so‘ng u to‘pni darvozaga yo‘lladi.
8 noyabrdan beri braziliyalik futbolchi Ispaniya chempionati va Chempionlar ligasi bahslarida 7 ta gol urdi va 4 ta golli uzatmani amalga oshirdi.