Yakshanba kuni «Liverpul» o‘z uyida «Fulxem»ga qarshi APL o‘yinini o‘tkazadi.
Birinchi bo‘lim oxirlarida «qizillar» yarim himoyachisi Aleksis Makallister gol urdi. Argentinalik futbolchi ajoyib zarba yo‘lladi - u yigirma sakkiz metrdan zarba berdi va o‘ng burchakni aniq nishonga oldi. O‘shanda hisob 1:1 dan 2:1 ga o‘zgardi.
Bu Makallisterning «Liverpul» safidagi ilk goli edi. Argentinalik futbolchi mersisaydliklar safiga yozda «Brayton»dan kelib qo‘shilgan edi.