Angliya chempionatining o‘n to‘rtinchi turida «Tottenxem» «Manchester Siti»ga qarshi o‘yinda 3:3 hisobida durang o‘ynadi. «Tottenxem» hujumchisi, janubiy koreyalik Son Xyon Min o‘z jamoasi bilan faxrlanishini aytdi.
"Bunday o‘yinlar futbolni yaxshi ko‘rishimiz uchun sababdir. O‘yindan keyin yigitlarga shuni aytdim. Men ularning katta jamoaga, ya’ni «Manchester Siti»ga qarshi o‘yinidan faxrlanaman. Biz so‘nggi daqiqalargacha o‘zimizga ishondik”, — deya Xyon Min so‘zlarini keltiradi BBC Sport.
Angliya chempionatining navbatdagi turida «Tottenxem» o‘z maydonida Londonning «Vest Xem» klubini qabul qiladi.
