«Jirona»da ijara asosida o‘ynayotgan braziliyalik himoyachi Yan Kouto «Real» qiziqish doirasiga tushib qoldi. Bu haqda Todofichajes jurnalistlari xabar bermoqda.

Manba bergan xabarga ko‘ra, «qirollik klubi» yanvarda 32 yoshga to‘ladigan Dani Karvaxalga muqobil sifatida 21 yoshli janubiy amerikalik futbolchini ko‘rib chiqmoqda.

Eslatib o‘tamiz, Koutoning to‘liq shartnomasi Angliyaning «Manchester Siti» klubiga tegishli. Uning «Jirona»dagi ijarasi 2024 yilning o‘rtalariga qadar davom etadi.

Transfermarkt portali lateralning qiymatini sakkiz million yevroga baholamoqda.