"Fluminense" chap qanot himoyachisi Marselo "Real"dagi sobiq jamoadoshlaridan qaysi biri unda kuchli taassurot qoldirganini aytdi.
Braziliyalik futbolchi 2007 yilning yanvarida "Los-Blankos" safiga qo‘shilgan, oradan 15 yarim yil o‘tib jamoa bilan 5 marta Chempionlar ligasida g‘olib chiqqan va boshqa ko‘plab sovrinlarni qo‘lga kiritgan.
“Meni hayratda qoldirgan ikki kishi bor: Isko va Luka Modrich. Isko futzal bilan shug‘ullana boshladi va u mashg‘ulotlarda hamda o‘yinlarda nimalar qildi... U buni qanday qilganini hech tushuna olmadim. Modrich ham juda ta’sirli edi. Odamlar Luka "Oltin to‘p"ga loyiq emasligini aytishadi? Bu mutlaqo bema’nilik", - deya Marselo so‘zlarini keltiradi Madrid Zone.
