"Fulxem" yarim himoyachisi Joau Palinya yanvar oyida "Bavariya"ga o‘tmasligi mumkin.
Portugaliyalik yozgi transfer oynasining so‘nggi kunida deyarli Myunxen klubiga ko‘chib o‘tgandi, ammo klublar belgilangan muddatdan oldin barcha shartlarni kelishib olishmadi. Keyinroq “Bavariya” kelishuvni yanvarda yakunlash niyatida ekani, “Fulxem” esa o‘z talablarini 45-50 million yevrogacha kamaytirishga tayyorligi haqida xabar berilgandi.
Jurnalist Florian Plettenbergning fikricha, “Bavariya”ning 28 yoshli yarim himoyachiga qiziqishi sezilarli darajada kamaydi – klub futbolchining jamoani kuchaytira olishiga shubha qilmoqda. Bundesliga gigantlarining ustuvor vazifasi o‘ng qanot himoyasida ham o‘ynay oladigan yangi markaziy himoyachini olib kelish.