"Фулхэм" ярим ҳимоячиси Жоау Палинья январь ойида "Бавария"га ўтмаслиги мумкин.
Португалиялик ёзги трансфер ойнасининг сўнгги кунида деярли Мюнхен клубига кўчиб ўтганди, аммо клублар белгиланган муддатдан олдин барча шартларни келишиб олишмади. Кейинроқ “Бавария” келишувни январда якунлаш ниятида экани, “Фулхэм” эса ўз талабларини 45-50 миллион еврогача камайтиришга тайёрлиги ҳақида хабар берилганди.
Журналист Флориан Плеттенбергнинг фикрича, “Бавария”нинг 28 ёшли ярим ҳимоячига қизиқиши сезиларли даражада камайди – клуб футболчининг жамоани кучайтира олишига шубҳа қилмоқда. Бундеслига гигантларининг устувор вазифаси ўнг қанот ҳимоясида ҳам ўйнай оладиган янги марказий ҳимоячини олиб келиш.
