Maurisio Pochettino "Manchester Yunayted" bilan o‘yindan oldingi fikrlari bilan o‘rtoqlashdi.
Chorshanba kuni APLning 15-turi doirasida "Chelsi" "Manchester Yunayted"ga qarshi o‘ynaydi.
"Menimcha, biz "Manchester Yunayted" bilan bir xil darajadamiz, lekin turli vaziyatlardamiz.
Uchrashuv oson bo‘lmaydi, chunki ularga g‘alaba kerak va biz tezlikni saqlab, jadvalda yuqoriga ko‘tarilishni istaymiz. O‘zgarishlar qilish biz uchun muhim”.
"Manchester Yunayted"dagi vaziyat haqida:
“E’tiborimni o‘z klubimga qaratganman. Biz yaxshiroq qilishimiz kerak. Bu jarayonni tushuntirib bera olaman, lekin uni hech qachon boshqa klublar bilan solishtirmayman. Biz ajoyib bo‘ladi deb o‘ylagan narsani yaratamiz - gap biz xohlagan narsaga erishish haqida ketmoqda.
Men shunchaki murabbiyman, murabbiylar shtabim bilan qo‘limdan kelganini qilishga harakat qilaman. Biz hamkasblarga maslahat bera olmaymiz. Boshqa klublarni muhokama qilish mening ishim emas. Men diqqatimni jamlashim kerak, chunki qiladigan ishlarim ko‘p”.
Erik ten Xage haqida:
"Ajoyib murabbiy. "Tottenxem"da ishlaganimda biz Chempionlar ligasining yarim finalida "Ayaks"ga qarshi o‘ynagandik.
O‘ylaymanki, to‘rt yildan so‘ng u bilan uchrashish yoqimli bo‘ladi, chunki yarim finaldan keyin biz bir-birimizni boshqa ko‘rmadik" - dedi “Chelsi” bosh murabbiyi.
