Маурисио Почеттино "Манчестер Юнайтед" билан ўйиндан олдинги фикрлари билан ўртоқлашди.

Чоршанба куни АПЛнинг 15-тури доирасида "Челси" "Манчестер Юнайтед"га қарши ўйнайди.

"Менимча, биз "Манчестер Юнайтед" билан бир хил даражадамиз, лекин турли вазиятлардамиз.

Учрашув осон бўлмайди, чунки уларга ғалаба керак ва биз тезликни сақлаб, жадвалда юқорига кўтарилишни истаймиз. Ўзгаришлар қилиш биз учун муҳим”.

"Манчестер Юнайтед"даги вазият ҳақида:

“Эътиборимни ўз клубимга қаратганман. Биз яхшироқ қилишимиз керак. Бу жараённи тушунтириб бера оламан, лекин уни ҳеч қачон бошқа клублар билан солиштирмайман. Биз ажойиб бўлади деб ўйлаган нарсани яратамиз - гап биз хоҳлаган нарсага эришиш ҳақида кетмоқда.

Мен шунчаки мураббийман, мураббийлар штабим билан қўлимдан келганини қилишга ҳаракат қиламан. Биз ҳамкасбларга маслаҳат бера олмаймиз. Бошқа клубларни муҳокама қилиш менинг ишим эмас. Мен диққатимни жамлашим керак, чунки қиладиган ишларим кўп”.

Эрик тен Хаге ҳақида:

"Ажойиб мураббий. "Тоттенхэм"да ишлаганимда биз Чемпионлар лигасининг ярим финалида "Аякс"га қарши ўйнагандик.

Ўйлайманки, тўрт йилдан сўнг у билан учрашиш ёқимли бўлади, чунки ярим финалдан кейин биз бир-биримизни бошқа кўрмадик" - деди “Челси” бош мураббийи.