25 nafar sobiq futbolchi, jumladan, Premyer-ligada o‘ynagan uch nafar futbolchi futbol federasiyasini miya jarohatlaridan yetarlicha himoyalanmaganlikda ayblab, sudga berdi, deb xabar bermoqda Daily Mail nashri. Birinchi sud majlisi yangi yilga belgilangan.
Kompensasiya olmoqchi bo‘lgan barcha o‘yinchilar surunkali travmatik ensefalopatiya va post-kontuziya sindromi kabi doimiy nevrologik zarardan aziyat chekmoqda.
Ayni paytda da’vogarlar o‘zlarining anonimligini saqlashni afzal ko‘rishmoqda, biroq ular bu ish bo‘yicha birinchi sud majlisi bo‘lib o‘tadigan 16 yanvarda undan voz kechishlari mumkin.
Xabar qilinishicha, futbolchilarning aksariyati 60-70 yoshda bo‘ladi, chunki aynan o‘sha paytda sog‘lig‘ida muammolar paydo bo‘ladi. Biroq, da’vogarlar orasida 30 yoshdan boshlab muammolarga duch kelgan yosh futbolchilar ham bor.
