Italiyaning “Roma” klubi bosh murabbiyi Joze Mourinyo bilan shartnomani uzaytirish borasida muzokaralarni davom ettirdi. Jurnalist Nikolo Shkiraning ma’lumotlariga ko‘ra, "jallorossi" portugaliyalik mutaxassisni 2026 yilning yoziga qadar jamoada olib qolmoqchi.
Eslatib o‘tamiz, "Roma" Mourinyo boshchiligida uchinchi mavsumini o‘tkazmoqda. Jamoa hozirda A Seriya turnir jadvalida to‘rtinchi o‘rinda bormoqda.
Avvalroq Mourinyoga Portugaliya terma jamoasida ishlash taklif qilingandi, biroq Joze bu imkoniyatdan voz kechdi va “Roma”da qolishga qaror qildi.
