«Real Sosyedad» «Manchester Yunayted» hujumchisi Meyson Grinvudni o‘z safiga qo‘shib olish uchun favorit deb topildi.
Bu haqda ispan OAV xabar tarqatdi.
Basklar kelasi yozda Grinvud bilan shartnoma imzolamoqchi. Meyson ayni damda «Xetafe»da ijara asosida o‘ynamoqda. Madridning kichik klubi forvardni o‘z ro‘yxatida saqlab qolishga qarshi emas, lekin «Manchester Yunayted»ning moliyaviy talablarini qondira olmaydi (so‘ralayotgan narx taxminan 20 million yevro).
Shu bilan birga, Grinvudning o‘zi ham «Yunayted» safiga qaytishni istamasligi ma’lum. U Ispaniyada qolishni afzal ko‘radi.













