«Liverpul» ko‘p yillar davomida "Manchester Siti" bilan qattiq raqobatga kirishdi, ammo ishonish qiyin 2015 yildan beri Premyer-ligada «Etihad»da g‘alaba qozona olmayapti.

«Qizillar» so‘nggi paytlarda Premer-ligada «Siti»ga qarshi esda qolarli lahzalarni boshdan kechirgan bo‘lsada, «Etihad» Yurgen Klopp uchun biroz qiyin stadiom ekanligini isbotladi. Garchi o‘shandan keyin «qizillar» Chempionlar ligasida g‘alaba qozonishgan bo‘lsada.

Kloppning «Etihad»dagi Premyer-liga doirasida yagona g‘alabasi 2015 yilning noyabr oyida «Siti»ni maydonida 4:1 hisobida mag‘lub etgandi. Biz bugun «Liverpul»ning o‘sha vaqtdagi boshlang‘ich tarkibi hozir qayerda faoliyat olib borayotganiga e’tibor qaratamiz.

Darvozabon: Simon Minyolye

Belgiyalik darvozabon «Liverpul» libosida bir qancha qiyin mavsumlarni boshdan kechirdi, ammo u klub safida 200 dan ortiq o‘yinda maydonga tushdi.

2019 yilda «Liverpul»ni tark etgandan so‘ng, Minyolye Belgiyaga qaytib, «Bryugge» klubida o‘ynadi va u hozirgacha ushbu jamoa sharafini himoya qilmoqda. 35 yoshli futbolchi Belgiya klubi bilan shartnoma imzolaganidan beri 4 ta sovrin, jumladan, 3 marta mamlakat chempionligini qo‘lga kiritdi.

O‘ng qanot himoya: Nataniyel Klayn

«Liverpul»dagi karerasiga putur yetkazgan jiddiy jarohatlar oldidan Klayn «qizillar» safidagi barqaror o‘yinchi edi. Angliyalik qanot himoyachisi 2015-16 yilgi mavsumda «Liverpul»dagi eng yaxshi mavsumlaridan birini o‘tkazdi, chunki u o‘sha vaqtda "Kristal Pelas"dan transfer qilingandi.

Jarohatlar va Trent Alexander-Arnoldning ko‘tarilishi tufayli Klayn oxir-oqibat o‘zining boshlang‘ich tarkibdagi joyini yo‘qotdi va 2020 yilda klubni tark etdi. Bugungi kunda avval o‘ynagan "Kristal Pelas"ga qaytadi.

Chap qanot himoya: Alberto Moreno

Ispaniyalik himoyachi besh yilini «Enfild»da o‘tkazdi, ammo Klopp qo‘l ostida u tezda asosiy tarkibdan ajralib qoldi. U 2019 yilda «Vilyarreal» tarkibiga qo‘shilganidan keyin biroz barqarorlikni topdi va hozirda u klub safida 100 ta o‘yinda maydonga tushdi.

Moreno 2016 yilda Yevropa Ligasi finalida mag‘lub bo‘lgan «Liverpul» jamoasining bir qismi edi, biroq baxtiga bir necha yil o‘tib «Vilyarreal» bilan kubokni qo‘lga kiritishga muvaffaq bo‘ldi.

Markaziy himoya: Martin Shkrtel

Bir vaqtlar Premyer-liganing eng zo‘r o‘yinchisi bo‘lgan Shkrtel «Liverpul» bilan to‘qqiz mavsumni o‘tkazdi va bu yo‘lda ko‘plab unutilmas lahzalarni boshdan kechirdi.

2016 yilda klubni tark etgandan so‘ng, himoyachi 2022 yilda professional faoliyatini tugatguniga qadar Turkiya, Italiya va Slovakiyada qisqa vaqt o‘tkazdi. Siz uni Slovakiyaning sakkizinchi ligasida o‘ynaydigan "FK Xayskala Raztosno" tarkibida havaskor futbol o‘ynaganini hali ham ko‘rishingiz mumkin.

"Men aslida 10-raqamda o‘ynayman. Men hujumchi sifatida bir necha o‘yin o‘tkazdim va bir nechta gol urdim. Asosan o‘zim xohlagan joyga yuguraman. Bepul rol - biroz Lionel Messining roliga o‘xshaydi!", - dedi Skrtel The Athletis nashriga.

Markaziy himoya: Deyan Lovren

Xorvatiyalik himoyachi bir vaqtlar o‘zini "dunyoning eng yaxshi himoyachilaridan biri" deb atagan, bu gapga ko‘pchilik qo‘shilmas edi. U Premyer-liga va Chempionlar ligasida g‘alaba qozondi, garchi u bu sovrinlarda o‘zining oz bo‘lsada hissasini qo‘shgan.

Shu yilning yanvar oyida Lovren Fransiyaga qaytib, ikkinchi marta «Lion» safiga qo‘shildi. «Lion» hozirda eng yomon vaqtlarni o‘tkazyapti, ular Liga 1ning eng quyi pog‘onasida joylashgan.

Yarim himoya: Jeyms Milner

Ko‘pchilik muxlislar va mutaxassislar tomonidan Premyer-liga afsonasi. Milner bu yozda «Liverpul»dagi faoliyatini tugatdi, ayni damda 31 yoshda va u «Brayton» safida faoliyatini davom ettirmoqda.

Milner hozirda Premyer-liga eng ko‘p o‘yin o‘tkazgan futbolchilar ro‘yxatida uchinchi o‘rinni egallab turibdi, undan oldinda faqat Rayan Giggz va Garet Barri. U nafaqaga chiqqunga qadar, ushbu mashhur ro‘yxatning birinchi o‘rnida qayd etilishi mumkin.

Yarim himoya: Lukas Leyva

«Liverpul» muxlislari hech qachon Lukasni unutmaydi. Braziliyalik yarim himoyachi tezda «Enfild»da ramziy qahramonga aylandi, chunki u Premyer-ligada 10 yil o‘ynadi.

U Braziliyada professional sifatidagi so‘nggi kunlarini «Gremio» bilan o‘tkazdi va shu yil boshida yuragi bilan bog‘liq muammo aniqlanganidan keyin nafaqaga chiqishga majbur bo‘ldi.

"2007 yilda men 10 yil davomida hayotimning bir qismi bo‘lgan gigant klub «Liverpul»ga o‘tdim. G‘urur bilan aytishim mumkinki, bugun «Liverpul» mening uyim. Men oilam bilan birga ingliz fuqarosi ekanligimdan faxrlanaman" , - dedi Lukas.

Yarim himoya: Emre Jan

Nemis yarim himoyachisi, ehtimol, «Liverpul»ni tark etganidan afsuslansa kerak, chunki u ketganidan keyin besh yil ichida «qizillar» yettita sovrin yutib oldi.

«Yuventus»dagi ajoyib mavsumlardan so‘ng, Jan 2020 yilda Dortmundning «Borussiya»siga qo‘shildi va bugungi kunda ham Germaniya terma jamoasida o‘ynamoqda.

Hujumkor yarim himoya: Adam Lallana (Kolo Ture 90ʼ)

Agar jarohatlar bo‘lmaganida, Lallana «Enfild»da ajoyib martabaga ega bo‘lishi mumkin edi. U hali ham «Liverpul» libosida ko‘plab yuqori marralarni qo‘lga kiritdi va u bugungi kunda 35 yoshli futbolchi «Brayton» safida faoliyat olib bormoqda.

Ture "Man Siti"ga qarshi kechgan o‘yinda Lallananing o‘rniga 90-daqiqada maydonga tushdi. Kot-d'Ivuar himoyachisi 2017 yilda faoliyatini yakunlashini e’lon qilishdan oldin «Seltik»da qisqa muddat ishlagan.

Hujumkor yarim himoya: Filippe Koutinyo (Jordon Ibe, ʼ68)

«Liverpul»dagi faoliyati vaqtida Koutinyoni tomosha qilish mutlaqo maroqli edi. «Enfild»ni tark etganidan so‘ng, «Barselona» bilan shartnoma imzoladi. Bu qaror qanchalik xato ekanligini eslatib o‘tishning hojati yo‘q.

Shundan so‘ng, bir muddat «Bavariya» hamda "Aston Villa"da faoliyat olib bordi. Mazkur klublarda unga stabillik uncha yetmadi.

Yozgi transferlar oynasida Felipe Qatarning "Al Duxayl" klubiga o‘tdi.

Xuddi shunday, Ibe «Liverpul»ni tark etganidan keyin bir qancha qiyinchiliklarini boshdan kechirdi. 27 yoshli futbolchi ruhiy salomatligi bilan bog‘liq muammolar haqida ochiq gapirdi va bir muncha vaqt o‘yindan tashqarida o‘tkazdi.

O‘tgan oyda vinger nihoyat futbolga qaytdi va Milliy Liga jamoasi "Ebbsfleet Yunayted" bilan shartnoma imzoladi.

Hujum: Roberto Firmino (Kristian Benteke 77ʼ)

Braziliyalik forvard «Liverpul» safidagi ilk golini "Man Siti"ga qarshi o‘yinda (4:1) kiritdi. Klopp qo‘l ostida Firmino tezda hal qiluvchi o‘yinchiga aylandi, chunki u klubdagi sakkiz yillik faoliyati davomida taklif qilingan deyarli barcha sovrinlarni qo‘lga kiritdi.

32 yoshli futbolchi yozda emosional tarzda ketganidan so‘ng Saudiya Arabistoni Pro-ligasi vakili «Al-Ahli» klubiga bepul transfer orqali qo‘shildi va endi Riyod Mahrez va Allan Sen-Maksimin kabi futbolchilar bilan birga o‘ynamoqda.

Benteke hech qachon «Enfild»da Firmino kabi qadr topmagan, chunki 32,5 million funt sterlingga imzo chekkan shov-shuvlarga javob berish uchun kurashgan.

Garchi u so‘nggi paytlarda o‘zining golli o‘yinlarini qayta tiklashga muvaffaq bo‘lgan bo‘lsada, hozirda MLSda "DS Yunayted"da o‘ynamoqda.