Madridning “Real” klubi vingeri Vinisius Junior maydonga qaytishni o‘z oldiga maqsad qilib qo‘ygan. Marca nashri xabariga ko‘ra, braziliyalik futbolchi yanvar oyida bo‘lib o‘tadigan Ispaniya Superkubogiga qaytishga qaror qilgan.
Qayd etilishicha, “Qirollik klubi” murabbiylar shtabi Vinisiusning 10 yanvar kuni Ispaniya Superkubogi yarim finalida bo‘lib o‘tadigan “Atletiko” bilan o‘yinda ishtirok etishiga ishonmoqda.
Joriy mavsumda Vinisius Ispaniya chempionatida 10ta o‘yin o‘tkazib, 4ta gol va 1ta golli uzatmani amalga oshirdi. 23 yoshli braziliyalik noyabr oyida terma jamoasi safida jarohat olgan edi.
