"Yuventus" bosh murabbiyi Massimiliano Allegri "Napoli" bilan bo‘lajak uchrashuv haqida o‘z fikrlari bilan o‘rtoqlashdi.

"Byankonerilar" A seriyaning 15-turida amaldagi chempionni qabul qiladi. Uchrashuv juma kuni bo‘lib o‘tadi.

“Bu to‘g‘ridan-to‘g‘ri raqib bilan yana bir o‘yin. Birinchi davra tugashiga beshta o‘yin qoldi, bizni “Roma” bilan uy uchrashuvi, oldinda esa safarda uchta qiyin o‘yin kutib turibdi.

Maqsadimiz birinchi davrani o‘tgan yilgidan yaxshiroq yakunlash.

“Napoli”ga qarshi o‘yin juda qiyin bo‘ladi. Bu jamoa mag‘lubiyatga uchraganiga qaramay, "Inter"ga qarshi o‘yinda yaxshi imkoniyatga ega bo‘ldi. "Yuventus" "Napoli"ga qarshi o‘tkazgan so‘nggi yettita o‘yinning faqat bittasida g‘alaba qozondi, - dedi Allegri.